सुर्खेत, १८ असार ।
इलाका स्वास्थ्य चौकी मटेलामा सोमबार सार्वजनिक परिक्षण कार्यक्रम सम्पन्न भएको छ । गाउँ—गाउँ बाट सार्वजनिक सुनुवाई तथा सार्वजनिक परिक्षणको थालनी गरौ भन्ने मुल नाराका साथ असल शासन क्लब जिल्ला समन्वय समिति सुर्खेतले सार्वजनिक लेखा परिक्षण गरेको हो
।
जिल्लाका स्वास्थ्य संस्थामा गरिरहेको सार्वजनिक परिक्षण कार्यक्रम अन्तर्गत सार्वजनिक परिक्षण कार्यक्रममा स्वास्थ्य चौकी मटेलाको चालु आ.व. २०६९÷०७० को जेठ मसान्त सम्मको आय—व्यय सार्वजनिक गर्दै स्वास्थ्य चौकीले दिएको सेवाका बारेमा समिक्षा गरिएको छ ।
कार्यक्रममा स्वास्थ्य चौकीमा दरबन्दि अनुसारका कर्मचारीहरु नभएकाले त्यसलाई व्यवस्थापन गर्न पहल गर्ने, स्वास्थ्य चौकी सुरक्षाका लागि तारबार गर्ने, स्ट्रेचरको समस्या समाधान गर्ने लगायतका महत्वपूर्ण ५ प्रतिबद्धता गरिएको छ ।
कार्यक्रममा स्थानीय राजनितिक दलका प्रतिनिधि, स्वास्थ्य व्यवस्थापन समितिका सदस्य, स्वास्थ्य चौकीका इन्चार्ज बिपुल जिसी र सेवाग्राही सहित ५६ जनाको उपस्थिती रहेको कार्यक्रम जिल्ला स्वास्थ्य कार्यालय सुर्खेतको सहयोग तथा असल शासन क्लब जिल्ला समन्वय समिति सुर्खेतको सहजिकरणमा सम्पन्न भएको हो ।
No comments:
Post a Comment