खेताला अभिभावक मार्फत नेतृत्व हत्याउने तयारी

सुर्खेत, ४ साउन ।

सुर्खेतको सबै भन्दा पुरानो विद्यालय जन उच्च माविमा विगत एक बर्षदेखि नेतृत्व विहिन बनेको छ । शिक्षा नियमावली अनुसार गत भदौंमा विद्यालय व्यवस्थापन समिति छनौट गर्नुपर्नेमा हाल सम्म पनि व्यवस्थापन

समितिको नयाँ नेतृत्व चयन हुन सकेको छैन् ।

दुई हप्ता अघि सुरु भएको विद्यालय व्यवस्थापन समिति छनौट प्रक्रिया अन्यौल बनेको छ । विद्यालय व्यवस्थापन समितिको नेतृत्वका लागि विवाद भएपछि सर्वसम्मत हुन नसकेको हो । पटक पटकको प्रयास पछि पनि व्यवस्थापन समितिको नेतृत्व चयन गर्न नसकेपछि विद्यालयका प्राचार्य याम श्रेष्ठ, निवर्तमान विद्यालय व्यवस्थापन समितिका अध्यक्ष देवकुमार सुवेदी, छिमेकी विद्यालयका प्राचार्य गेहेन्द्रप्रसाद दाहाल र भूमिसरा चपाई सहितको सहजिकरण समिति गठन गरिएको थियो । एक हप्ता भित्र सहजिकरण गरी सर्वसम्मत समिति चयन गर्ने जिम्मेवारी तोकिएपनि सहमति हुन सकेन । सहजिकरण समितिको म्याद सकिएको छ ।

जन उच्च माविमा नेतृत्व छनौटको प्रयाससंगै हुन सक्ने निर्वाचनलाई समेत ख्याल गर्दै प्राचार्यको नेतृत्वमा रहेको विद्यालय प्रशासन टिमले विद्यार्थीका नक्कली अभिभाकको नामावली तयार गरेको छ । खेताला अभिभावक तयार गरी विद्यालयको नेतृत्व हत्याउने चलखेल भैरहेको छ ।

भर्ना रजिष्टरको बेवास्ता गर्दै विद्यालय प्रशासनले विद्यालय व्यवस्थापन समिति अध्यक्षका उमेदवार एवंम नेपाली काँग्रेस जिल्ला कोषाध्यक्ष गोविन्द कोइरालाको अनुकुलका व्यक्तिहरुको नामावली अभिभावकमा चढाईएको छ ।

शिक्षा ऐन र निवयमालीले अभिभावकलाई दुई प्रकारमा विभाजन गरेको छ । संरक्षण गर्ने अभिभावक र अर्को बुबा, आमा, बाजे, बज्यै, दाजु, भाईलाई मताधिकार सहितको अभिभावकको हुने व्यवस्था गरेको छ । शिक्षा ऐन र नियमावलीलाई ख्यालै नगरी व्यवस्थापन समितिको नेतृत्व हत्याउँनकै लागि विद्यार्थीको नामावली तयार गरी उनीहरुको अभिभावकमा खेताला अभिभावकको नामावली तयार गरिएको छ ।

मतदान प्रयोजनका लागि खेताला अभिभावकको नामावली प्रकाशन गरिएको भन्ने जिज्ञासामा विद्यालयका प्राचार्य याम श्रेष्ठले अस्वीकार गर्दै अभिभावक भेलाका लागि मात्रै नामावली प्रकाशित गरिएको प्रतिक्रिया दिए । निर्वाचन गर्न शिक्षा नियमावलीलेनै कुनै व्यवस्था नगरेकाले निर्वाचन भन्दापनि सर्वसम्मत नेतृत्व चयनको प्रयास भैरहेको प्राचार्य श्रेष्ठले जानकारी दिए ।

जिल्लाकै सबै भन्दा पुरानो, ठूलो विद्यालय हुनुका साथै आर्थिक रुपमा समेत बार्षिक रुपमा करोडौंको आयस्रोत रहेको विद्यालय भएकाले यसको नेतृत्वका लागि ठूलै दौडधुप भैरहेको छ । स्रोतले दिएको जानकारी अनुसार विद्यालयले कोठाभाडा मात्रै बर्षमा एक करोडबढी भाडा उठाउँदै आएको छ । तर त्यसको पारदर्शीता माथी पटक पटक प्रश्न उठने गरेका छन् ।

पत्रकार नगेन्द्र उपाध्याय टेकबहादुर कार्कीको अभिभावक बनेका छन् । पत्रकार सुदिप पुरी पुनमखाम्चा मगरेको अभिभावक बनेका छन् । त्यसैगरी कुलमान नेपाली यमुना खाम्चाको अभिभावक बनेका छन् । दयाराम आचार्य आकाश सुवेदीको अभिभावक बनेका छन् । रुद्रबहादुर भट्टराई दिपक बादीको अभिभावक बनेका छन् । गंगा न्यौपाने टिकाराम उपाध्यायको अभिभावक बनेका छन् । प्रकाश नेपाली पैमबहादुर शाहीको अभिभावक बनेका छन् । कुलबहादुर खड्का उमेशबहादुर शाहीको अभिभावक बनेका छन् । अस्मिता कुँवर प्रेमा शाक्यको अभिभावक भनेका छन् । पत्रकार राजु कोइराला जगतप्रसाद कँडेलको अभिभावक बनेका छन् । पत्रकार कुलबहादुर खड्का उमेशबहादुर शाहीका अभिभावक बनेका छन् । पत्रकार कलेन्द्र सेजुवाल पारश शाहीको अभिभावक बनेका छन् । खेताला अभिभावक बन्नेमा शिक्षक, पत्रकारदेखि व्यापारी समेत रहेका छन् । 

मताधिकारका लागि तयार गरिएका खेताला अभिभावकहरुको विवरण ः

क्र.स. विद्यार्थीको नाम कक्षा अभिभावक

१. यमुना खाम्चा ८ कुलमान नेपाली

२. मञ्जुकुमारी शाही ८ कल्पना गिरी

३. दीपक बादी ८ रुद्रबहादुर भट्टराई

४. समीक्षा उपाध्याय १० प्रेमबहादुर बुढा

५. लक्ष्मण बैगार १० गोविन्द केसी

६. नारायण पाण्डे १० गोविन्द ब. अधिकारी

७. शैलेश नेपाल ७ नारायण प्र. सापकोटा

८. महेन्द्र वि.क. ७ खगेन्द्र शाही

९. टीकाराम उपाध्याय १० गंगा न्यौपाने

१०. जीवानन्द पाण्डे ८ उषा के.सी.

११. पवित्रा शाही ८ चन्द्र ब. विष्ट

१२. भोलाराम पंगाली ८ पुष्पा रिजाल

१३. नारायण ब. हमाल ८ इन्द्रप्रसाद आचार्य

१४. कमला कु. नेपाली ८ गोविन्द प्र.कोइराला

१५. सिता बोहोरा ८ देवेन्द्र कोइराला

१६. संगिता खत्री ८ इश्वर थापा

१७. बलबहादुर बोहरा ९ टेकबहादुर सार्की

१८. जगत ऐडी ९ ओमबहादुर खड्का

१९. चन्द्र ब. सिजालीमगर ९ प्रेमबहादुर शाही

२०. लक्ष्मी भटट्राई ७ रतन सेजुवाल